Xusto antes das vacacións de verán, o departamento de Deportes propón tres actividades aptas para practicamente todas as idades. A primeira é a ruta de sendeirismo percorrendo parte do val do Río Castro, outra é unha xornada de surf para iniciarse neste deporte, e, por último, a xa tradicional ruta cicloturista en familia con saída e chegada no colexio. Para todas elas fai falla inscrición previa, que se pode facer entregando a folla correspondente na Casa da Cultura.
Ficha de inscrición persoas adultas
Ficha inscrición menores
Ruta de sendeirismo
Data: domingo 11 de xuño
Distancia aproximada: 12 Kms.
Hora de saída: 10.00 h. desde o Local social de Naraío
Inscricións: ata o xoves 8 de xuño na Casa da Cultura ou no correo agustin.perez@sansadurnino.gal
Nivel de dificultade: media/baixa. Ruta de interese turístico, ambiental e cultural.
Idades: maiores de 9 anos
Recomendacións: Calzado cómodo que non sexa de estrea e que protexa os nocellos, roupa que permita a transpiración (algodón, climalite…) e, dependendo do tempo, que sexa impermeable. É recomendable levar un botellín de agua e produtos de pequeno volume e alto poder enerxético (galletas, barriñas de cereais,…)
Medicinas: as persoas con algunha doenza (asma, diabete, etc.) deberán levar os medicamentos que deban tomar e avisar á monitora antes de comenzar a ruta.
Xornada de aventura na auga
Data:sábado 17 de xuño, 16.00 a 18.30h.
Lugar: Praia de Ares (o punto de encontro é na caseta de socorrismo)
Prezo: 12 euros, sempre e cando se cubra o total de prazas. Se non se completa o cupo, as persoas apuntadas poderán facer a actividade igualmente asumindo o incremento do custe.
Inscricións: hai 20 prazas, que se cubrirán por orde de inscrición na Casa da Cultura ou no correo electrónico agustin.perez@sansadurnino.gal ata o martes 13 de xuño ás 14.00h.
Idades: maiores de 15 anos. É requisito indispensable saber nadar.
Deportes: Windsurf, Paddle Surf, Kaiak de mar. As persoas inscritas deberán desprazarse pola súa conta ata Ares.
Ruta ciclista
Data: domingo 25 de xuño, 11.00h.
Lugar de saída e de chegada: Colexio de San Sadurniño
Distancia aproximada: 13 Kms.
Nivel de dificultade: baixa, é obrigatorio o uso do casco
Idades: maiores de 7 anos
Inscricións: gratuítas na Casa da Cultura, no correo agustin.perez@sansadurnino.gal ou o mesmo día da ruta no lugar da saída. Ao rematar a ruta todas e todos os participantes levarán unha camiseta de agasallo e haberá un sorteo de material relacionado co ciclismo.
Camiñadas parroquiais
Lembrade, ademais, que aínda quedan dúas camiñadas parroquiais por facer. Non é necesario inscribirse, abonda con estar no punto de encontro ás 16.30h. Iso si, desde o Concello aconséllase levar roupa cómoda e clara -mellor chaleco reflectante-, calzado sen tacón que non sexa de estrea, calcetíns de algodón, gorra, bebida e algo de comer.
Parroquia |
Data |
Lugar de saída |
Naraío |
luns 12 de xuño |
Capela de Santa Mariña |
San Sadurniño |
martes 20 de xuño |
Casa da Cultura |
Para máis información pódese chamar ao teléfono do Ximnasio municipal, 647 491 371 en horario de 19 a 23h. Cómpre recordar tamén que este servizo modificará o seu horario durante o verán:
1 ao 31 de xullo |
agosto |
1 ao 30 de setembro |
luns a venres de 9 a 14.30h |
pechado |
luns a venres de 9 a 14.30h. |
mércores de 19 a 23.00h. venres de 19 a 22.30h. |
mércores de 19 a 23.00h. venres de 19 a 22.30h. |