O Estado abriu o prazo de solicitude do Bono Cultural Xove, para facilitar o acceso da mocidade á cultura, fomentar novos hábitos de consumo cultural e impulsar a participación activa dos mozos e mozas na creación artística e cultural. A axuda permite adquirir produtos, servizos e actividades culturais mediante unha tarxeta prepago persoal de 400 €.
Persoas beneficiarias: quen faga os 18 anos durante o ano 2026.
Modalidade 1 (reparto por categorías):
- Ata 200 € para artes en vivo e audiovisuais, patrimonio cultural e medios de creación artística: entradas para espectáculos, cine, museos, festivais, cursos culturais presenciais, instrumentos musicais, cámaras fotográficas, software creativo, etc.
- Ata 100 € para produtos culturais en soporte físico: libros, revistas, prensa, videoxogos, vinilos, CD, DVD e Blu-ray.
- Ata 100 € para consumo dixital: plataformas musicais, audiovisuais ou de lectura, audiolibros, libros electrónicos, música dixital, podcasts, videoxogos en liña e cursos culturais en liña.
Modalidade 2 (alternativa):
- Ata 400 € nunha única categoría destinada a cursos e obradoiros culturais presenciais ou en liña, instrumentos musicais e medios de creación artística e material artístico.
- Non subvencionable: Artesanía, obra plástica e gráfica, material de papelería, libros de texto, equipos informáticos e electrónicos (agás software profesional creativo), espectáculos deportivos, moda, gastronomía e produtos pornográficos ou cualificados como X.
Execución: os gastos poden realizarse durante un prazo máximo de 1 ano desde a resolución de concesión.
Imputación do gasto: os gastos deben realizarse unha vez concedida a axuda e utilizando a tarxeta prepago do programa. Non ten carácter retroactivo.
Prazo de solicitude: ata o 31/10/2026.
Importe da axuda: 400 € por persoa beneficiaria.
Ligazóns:
https://bonoculturajoven.gob.es (solicitude exclusivamente electrónica)