1.- As axudas de compensacións complementarias por lucro cesante nos casos de inactividade nas explotacións de gando bovino, ovino e cabrún, rexistradas en Galicia, con motivo da vixilancia, loita, control ou erradicación de enfermidades destas especies, levados a cabo no marco de programas ou actuacións sanitarias oficiais.
Hai dous procedementos:
a) Axudas de compensacións complementarias en explotacións de gando bovino, ovino e cabrún: período de baleiro. Código de procedemento MR553A.
b) Axudas de compensacións complementarias en explotacións de gando bovino, ovino e cabrún: período de posautorización á reintrodución. Código de procedemento MR553B.
2.- As axudas para a compra de animais das especies bovina, ovina e cabrúa que teña por obxecto a reposición de efectivos, naquelas explotacións rexistradas en Galicia en que se ordenou o sacrificio/matanza de animais destas especies, despois do diagnóstico dunha enfermidade sometida a un programa ou a unha actuación sanitaria oficial de vixilancia, loita, control ou erradicación; tamén se incluirán os casos de animais desas especies que morresen durante o seu manexo mentres se desenvolvían as actuacións sanitarias oficiais; tamén os animais mortos por mor de padecer a enfermidade da lingua azul, e os casos de morte ou sacrificio/matanza deses animais como consecuencia da aplicación dun programa oficial obrigatorio de vacinación. Código de procedemento MR550A.
Persoas beneficiarias: Persoas físicas e xurídicas e as entidades sen personalidade xurídica que sexan titulares de explotacións bovinas, ovinas e cabrúas en que se sacrificase ou destruíse de forma preventiva a totalidade do seu censo, por motivos de sospeita e/ou confirmación da presenza dalgunha enfermidade sometida a un programa ou a unha actuación sanitaria oficial de vixilancia, loita, control ou erradicación.
Poderán ser persoas beneficiarias das axudas para a compra de animais de reposición as persoas físicas e xurídicas e as entidades sen personalidade xurídica que sexan titulares de explotacións bovinas, ovinas e cabrúas en que se ordenase o sacrificio obrigatorio/ matanza de animais existentes nelas, e como consecuencia do diagnóstico dunha enfermidade sometida a un programa ou a unha actuación sanitaria oficial de vixilancia, loita, control ou erradicación; tamén as persoas ou entidades titulares das seguintes explotacións: onde morresen os animais das ditas especies durante o seu manexo mentres se desenvolvían as actuacións sanitarias oficiais, tamén onde morresen os ditos animais por mor de padecer a enfermidade da lingua azul e, así mesmo, onde se sacrificasen/eutanasiasen ou morresen os ditos animais por mor da aplicación dun programa oficial obrigatorio de vacinación.
Axudas de compensacións complementarias por lucro cesante: Os cálculos faranse multiplicando o valor en euros da marxe bruta de cada unidade de produción polo número de unidades de produción que consten como datos oficiais referidos á explotación. Estas marxes brutas das principais actividades produtivas gandeiras das explotacións (valor en euros/unidade) son as seguintes:
Actividade | Unidades de produción | Caracterísiticas | Pdto. bruto | G. variable | Marxe bruta |
Cabrún | Nai (igual ou maior de 12 meses de idade) | Sen primas | 102,17 | 9,62 | 92,56 |
Ovino | Nai (igual ou maior de 12 meses de idade) | Sen primas | 60,10 | 9,62 | 50,49 |
Vacún de carne | Femia nai | > 24 meses de idade ou paridas antes de facer ou ao facer os 24 meses | 1.047,00 | 358,73 | 688,27 |
Vacún de leite que non produce leite | Femia nai | > 24 meses de idade ou paridas antes de facer ou ao facer os 24 meses | 857,04 | 358,20 | 498,84 |
Vacún de leite | kg leite/ano | <50.000 kg/explotación | 0,33 | 0,15 | 0,18 |
Vacún de leite | kg leite/ano | De 50.001 a 100.000 kg/explotación | 0,33 | 0,14 | 0,19 |
Vacún de leite | kg leite/ano | >100.000 kg/explotación | 0,35 | 0,15 | 0,20 |
Xatos/as | Machos e femias | 0-8 meses | 854,19 | 628,81 | 225,38 |
Axudas para a compra de gando bovino, ovino e cabrún para a reposición: As axudas para a compra de animais bovinos, ovinos e cabrúns destinados á reposición poderán concederse nas contías básicas e cos límites seguintes:
- Por animal adquirido da especie bovina 500 euros, e por animal comprado de gando ovino e cabrún 50 euros (houbese ou non baleiro sanitario na subexplotación); estes importes por animal serán incrementados nun 10 % (550 €→bovino, 55€→ovino e cabrún) se a subexplotación pertencía, en determinados casos, a unha asociación de defensa sanitaria gandeira (ADSG).
- Establécense os animais sacrificados das subexplotacións que se terán en conta de xeito individualizado para o cálculo das contías (unha res sacrificada→unha res reposta), en función da súa idade na data do seu sacrificio (ou morte, se é o caso):
- a) Para as subexplotacións de gando bovino: os animais sacrificados iguais ou maiores a 18 meses de idade.
- b) Para as subexplotacións de gando ovino e cabrún: os animais sacrificados iguais ou maiores a 10 meses de idade.
Contía máxima das axudas para o gando bovino: A contía máxima da axuda para cada res bovina adquirida será a suma do importe máximo da contía básica máis o importe da contía adicional, se é o caso. Para os casos en que sexa de aplicación a contía adicional, o límite máximo das axudas por persoa beneficiaria será de 40.000 euros.
Prazo de solicitude: ata o día 28/11/2025.