A Xunta convoca unha liña de subvencións para establecementos e servizos turísticos de xestión pública e/ou privada nos procesos de certificación, seguimento e renovación da marca Q de Calidade Turística e/ou a marca S de Sustentabilidade Turística do Instituto para a Calidade Turística Española e a Sustentabilidade (ICTES), para o ano 2025 (código de procedemento TU970A)
Persoas beneficiarias: As persoas físicas ou xurídicas privadas titulares de establecementos ou servizos turísticos.
Actuacións subvencionables: Os custos de auditoría externa de certificación, seguimento e/ou renovación do sistema, facturados pola entidade auditora acreditada polo ICTES. Os custos derivados dos dereitos de uso da marca Q e/ou da marca S no ano 2025.
Prazo de solicitude: ata o 13/10/2025.
Tipoloxía: a fondo perdido e en concorrencia competitiva
Cantidade: A porcentaxe máxima de axuda sobre o investimento subvencionable calcularase con base á puntuación que alcancen os proxectos presentados, segundo se detalla a continuación:
| Puntuación | % axuda Q & S |
| 71-100 puntos | 70 % |
| 41-70 puntos | 65 % |
| 0-40 puntos | 60 % |
En calquera caso, as subvencións concedidas non poderán superar os seguintes límites máximos:
- 2.000 euros para os procesos de 1ª certificación e/ou renovación da marca Q.
- 1.500 euros para os procesos de 1º e/ou 2º seguimento da marca Q.
- 2.000 euros para os procesos de 1ª certificación e/ou renovación da marca S.
Para as solicitudes cuxa auditoría externa se realice mediante a modalidade multisite, o importe subvencionado por este concepto será dun máximo de 4.000 euros para procesos de 1ª certificación e/ou renovación da marca Q, 3.000 euros para os procesos de 1º e 2º seguimento da marca Q e 4.000 euros para procesos de 1ª certificación e ou renovación da marca S.