San Sadurniño volverá vivir esta fin de semana dúas intensas xornadas de voleibol coa disputa da XXXVIII Copa Galicia de Voleibol. O torneo ía desenvolverse en Cangas do Morrazo pero, por problemas de última hora coas instalacións, a Federación Galega de Voleibol acordou co Aldebarán e o Concello o seu traslado a San Sadurniño. Así o anunciou onte nun comunicado publicado na súa web, onde tamén se atopa cumprida información sobre unha cita que inaugura oficialmente a temporada do volei galego coa presenza das primeiras escuadras femininas e masculinas do Boiro Voleibol, o Emevé Lugo, o Zalaeta, o CV Ourense, o Bruxas, o Volei Dumbría e, por suposto, o Aldebarán-Intasa, quen terá unha nova oportunidade de seguir axustando a plantilla para a súa reestrea na Superliga, prevista para o sábado 2 de outubro na casa perante o Melilla.
Despois do parón debido á crise sanitaria, a competición galega volverase a desputar neste 2021 iniciando a competición de pista da temporada 21/22, nun ano no que o Volei Galego terá ata 5 representantes nas máximas categorías do voleibol estatal. Tal e como indica a FGVB, esta edición da Copa Galicia preséntase “como unha cita moi atractiva para as persoas amantes do deporte en xeral, ao asegurar unha fin de semana co mellor voleibol autonómico e no que se loitará polo primeiro título da tempada entre os 4 mellores clasificados masculinos e femininos da 20/21”.
A competición comezará o sábado 25 coa quenda feminina, na que participan o Arenal Emevé (Liga Iberdrola), Autos Cancela Zalaeta (Superliga 2), CV Ourense Aceites Abril (1ª Nacional) e CV Bruxas (1ª Nacional) loitando polo título en catro partidos programados e nos que as coruñesas defenderán o título conseguido en 2020 en Santiago de Compostela ao vencer na final.
No apartado masculino a Copa decidirase entre o Rotogal Boiro (Superliga), Arenal Emevé (Superliga) , Aldebarán San Sadurniño (Superliga) e Dumbría Voleibol (Superliga 2), quen pecharán este domingo 26 a segunda xornada de espectáculo deportivo. Neste caso será o Emevé quen defenderá un título obtido en 2019 que desta vez “estará máis caro ca nunca”, apunta a Federación como anticipo da emoción que se vivirá no pavillón polideportivo municipal con entrada gratuíta.
O cadro de emparellamentos é o seguinte:
SÁBADO 25 – FEMININO
Partido |
Fase |
Día |
Hora |
Equipo local |
Equipo visitante |
1 |
Semifinal |
sábado |
10:00 |
Arenal Emevé |
CV Bruxas |
2 |
Semifinal |
sábado |
12:00 |
A. Cancela Zalaeta |
Aceites Abril CVO |
3 |
3º-4º posto |
sábado |
17:00 |
Perdedor 1 |
Perdedor 2 |
4 |
Final |
sábado |
19:00 |
Ganador 1 |
Ganador 2 |
DOMINGO 26 – MASCULINO
Partido |
Fase |
Día |
Hora |
Equipo local |
Equipo visitante |
1 |
Semifinal |
sábado |
10:00 |
Arenal Emevé |
Voleibol Dumbría |
2 |
Semifinal |
sábado |
12:00 |
Rotogal Boiro |
Aldebarán-Intasa |
3 |
3º-4º posto |
sábado |
17:00 |
Perdedor 1 |
Perdedor 2 |
4 |
Final |
sábado |
19:00 |
Ganador 1 |
Ganador 2 |