Activado o programa Descubre Galicia en Outono a través dos bonos turísticos para o ano 2025, coa finalidade de incentivar a demanda interna de servizos turísticos prestados en Galicia en períodos de estacionalidade, buscando, con isto, prolongar a actividade e dinamizar a economía e o emprego turístico.
Persoas beneficiarias: Persoas físicas maiores de idade e residentes na Comunidade Autónoma de Galicia que se aloxen en establecementos hoteleiros, apartamentos turísticos, vivendas turísticas, campamentos de turismo e establecementos de turismo rural desde o 15 de setembro ata o 25 de decembro de 2025 (ambos incluídos).
Características do bono turístico:
- O bono turístico do programa #DescubreGaliciaenOutono terá formato dixital a través dun código QR, ten carácter persoal e intransferible, e exixe prepagamento, é dicir, o bono está cofinanciado entre a persoa solicitante e a Administración segundo a seguinte porcentaxe:
Importe bono
Achega Administración % Persoa beneficiaria % 150,00€ 60,00€ 40 90,00€ 60 - Cada bono terá a consideración de bono desconto para gastos realizados nos establecementos de aloxamento turístico e axencias de viaxes adheridos.
- O importe do bono irase reducindo, ata o seu esgotamento, en función do valor do gasto, podendo imputarse a un ou varios gastos de aloxamento.
- As contías enténdense co IVE incluído.
- O período de descarga dos bonos será desde o día 18 de xullo ata o 19 de decembro de 2025, ambos inclusive, salvo esgotamento previo do seu saldo.
O período de uso a partir do cal se poderán trocar os bonos descargados iniciarase o 15 de setembro de 2025.
Condicións de uso dos bonos:
- Cada persoa beneficiaria disporá de ata dous bonos, que poderán ser usados desde o 15 de setembro de 2025 ata o 25 de decembro de 2025 (ambos incluídos) nun ou en varios dos establecementos ou axencias adheridos ao programa.
- Cada bono terá un valor de 150,00 € por persoa usuaria que se irá reducindo, ata o seu esgotamento, en función do valor do gasto de aloxamento realizado.
- A validez dos bonos estenderase desde o 15 de setembro ata o 25 de decembro de 2025 (ambos incluídos), salvo previo esgotamento do seu saldo. Rematado o período de validez, o bono non trocado caducará.
Data de activación dos bonos: Os bonos estarán dispoñibles na web www.bonoturismo.gal para a súa descarga polas persoas usuarias desde as 9.00 horas do día 18 de xullo ata o 19 de decembro de 2025 e a súa validez estenderase ata o 25 de decembro de 2025 (ambos incluídos).
Instrución e resolución de concesión: Unha vez solicitado o bono e descargado as axudas entenderanse concedidas.
Máis información en https://bonoturismo.gal/
