Os orzamentos municipais son o resume das previsións de ingresos e gastos durante o exercicio anual. Entran en xogo moitas variables: o custe dos salarios do persoal, as variacións dos prezos dos combustibles e da electricidade, as transferencias que veñen doutras administracións, os prezos finais que terán as obras, as previsións de ingresos en concepto de taxas e impostos municipais… Hai que ter en conta todos estes aspectos -e moitos máis- para deseñar unhas contas que respondan ás necesidades de todo o territorio e que, ademais, manteñan o equilibrio entre o que se ingresa e o que se ten previsto gastar.
As contas do ano 2025 quedaron en 3.918.154,79 € tanto nas previsións de ingresos como de gastos. Unhas cifras que soben un 5,01% con respecto ás de 2024 e que aínda serán maiores ao remate do ano pola incorporación de máis fondos procedentes de programas provinciais e autonómicos cuxo importe se descoñecía no momento de aprobar inicialmente as contas no pleno do 31 de xullo de 2025.
- Descarga desde aquí o documento completo aprobado en pleno
Cadro resume dos orzamentos 2025 e comparativa con respecto aos de 2024