Convocadas as axudas autonómicas para financiar reforestación produtiva tras corta ou tras eliminación de invasoras, mediante módulos de custos simplificados, para: Coníferas (liña I), frondosas agás chopo (liña II) e Chopo (liña III)
A axuda busca substituír eucalipto e fomentar masas de maior valor ecolóxico e produtivo, reducindo risco de incendios e mellorando a calidade da madeira.
Persoas beneficiarias: Persoas físicas ou xurídicas que sexan titulares dos terreos obxecto de axuda, entendendo por titulares tanto propietarios como arrendatarios ou xestores.
Actuacións subvencionables
Liña I – Coníferas: En terreos tras corta de coníferas/eucalipto ou eliminación de invasoras. Inclúe a roza, preparación, plantación, proxecto, dirección de obra, coidados. Módulos:
- LI-A: ≥ 1.300 pés/ha
- LI-B: 1.000–1.299 pés/ha
- LI-C: 850–999 pés/ha
- LI-D: Xestión do rexenerado natural (1.000–1.400 pés/ha)
Liña II – Frondosas (agás chopo): En terreos tras corta de frondosas, coníferas ou eucalipto, ou eliminación de invasoras. Módulos:
- LII-A: ≥ 1.000 pés/ha
- LII-B: 50–150 pés/ha
- LII-C: Mixta frondosas‑coníferas (60/40), ≥ 1.000 pés/ha, mestura íntima Inclúe: roza, preparación, plantación, proxecto, dirección de obra.
Liña III – Chopo: En terreos tras corta de chopo/eucalipto ou eliminación de invasoras. Tamén inclúe roza, preparación, plantación, proxecto, dirección de obra.
Só se subvencionan actuacións posteriores á solicitude e axustadas ao módulo. (Non se admiten facturas previas porque o sistema é por módulos, non por gasto real.)
Prazo de solicitude: ata o 12/03/2026.
Cantidade: A axuda é un % do módulo correspondente:
- 65 % cando:
- Beneficiaria é AFXC ou silvicultor/a activo/a
- Ou se planta Pinus pinaster, P. sylvestris, P. radiata
- Ou o terreo está no Rexistro de Masas Consolidadas de Frondosas Autóctonas
- Ou se plantan frondosas do Anexo I da Lei 7/2012
- 50 % no resto dos casos.
Non hai mínimo nin máximo por expediente, pero si límites indirectos pola superficie e polo módulo escollido. O IVE non é subvencionable.