Convocadas as subvencións para o financiamento do programa Galicia suma talento: Plan de formación empresas para os anos 2026-2027 (TR301P), co que se pretende apoiar o desenvolvemento de accións formativas no ámbito empresarial que inclúan compromiso de contratación de persoas desempregadas, promovendo a cualificación profesional e a inserción laboral no tecido produtivo de Galicia.
Persoas beneficiarias: Empresas e entidades que realicen accións formativas con compromiso de contratación de persoas desempregadas no marco do Sistema de formación para o emprego e incluídas no Catálogo de especialidades formativas.
Actuacións subvencionables: Accións formativas para o emprego con compromiso de contratación impartidas por unidades formativas da empresa ou entidades contratadas, incluíndo especialidades do Catálogo formativo e, cando proceda, novas especialidades propostas pola empresa, sempre relacionadas coa súa actividade empresarial.
Prazo de solicitude: desde o 14/01/2026 ás 09:00h ata o 01/12/2026 ás 20:00h.
Cantidade: O importe dos módulos económicos por área profesional, hora e persoa alumna vén recollido no ANEXO III da convocatoria.