Quen nos había dicir hai un ano que iamos estar como estamos e que habiamos padecer o que levamos padecido. Onte foi o primeiro aniversario -ou cabodano, como prefirades- da declaración oficial de pandemia por parte da Organización Mundial da Saúde e hoxe, 12 de marzo, faise o ano desde que a Xunta informou da suspensión das actividades lectivas e do peche de garderías e centros de día. Comezaba así un pesadelo que se vería confirmado de alí a dous días coa declaración dun Estado de Alarma, o primeiro de varios, que en principio ía para tan só dúas semanas e que, á postre, nos mantivo pechados ata principios de maio.
Do coronavirus levábase falando desde finais de 2019, cando chegaron as primeiras noticias dun andazo “parecido a unha gripe forte” que obrigara ao goberno chinés a tomar medidas drásticas na provincia de Wuhan. Viámolo lonxe, case como unha curiosidade máis do telediario, e ata nos pasaba pola cabeza que aquela peste era algo así como un castigo divino por andar comendo cousas raras.
Pero nun mundo globalizado, o 2019-nCoV -así se lle chamou nun primeiro momento ao famoso SARS-CoV-2- non tardaría moito en chegar a Europa. A mediados de xaneiro de 2020 o Ministerio de Sanidade xa informaba de “dous casos sospeitosos” da mesma enfermidade. Os tres primeiros casos confirmados foron ao parecer importados: un turista alemán nas Canarias, outro británico en Mallorca e un italiano tamén en Tenerife, lugar onde se mantivo en corentena un hotel enteiro desde o 25 de febreiro.
Os casos empezaron a multiplicarse de maneira exponencial nas seguintes semanas… e o resto xa é historia recente coñecida de sobras que queda reflectida na friaxe da estatística: no informe ministerial de onte mesmo apúntase unha cifra acumulada de 3.178.356 casos confirmados. Arredor dun 10% -321.066 en total- precisaron hospitalización, 28.553 pasaron pola UCI e o número oficial de mortes en España por causa da pandemia era a data de 11/03/2021 de 72.085 persoas, 495 nos últimos sete días. Un drama en custe de vidas que supuxo, ademais, un desastre de efectos incalculables para a economía, o emprego e o estado de ánimo de todas e todos nós, incrementado polas sucesivas ondas -estamos saíndo da terceira e xa se fala da cuarta- e o conseguinte baile de restricións e alivios.
Da situación sanitaria vimos falando desde marzo de 2020 a través desta web e tamén do Facebook municipal, onde se recollen centos de informacións puntuais sobre todo o que se debe e/ou pode facer en cada momento, pero tamén a maneira en que nos fomos adaptando ás circunstancias cumprindo coas restricións, mudando a nosa vida diaria e, no caso do Concello, reconfigurando programas e estratexias para poder responder ante un escenario novo e cambiante.
En sansadurnino.gal recollemos 128 noticias relacionadas directamente coa situación sanitaria que quedarán para o futuro como pinceladas a xeito de crónica do primeiro ano dunha pandemia que, agardemos, pronto chegue ao seu final.
Marzo de 2021
11/03/2021: O DOG actualiza minimamente os niveis de restricións, que non lle afectan a San Sadurniño
Febreiro 2021
26/02/2021: En que consiste o “Plan da hostalaría segura”?
25/02/2021: Medidas de prevención específicas para San Sadurniño e outros municipios da área sanitaria
24/02/2021: Xa se poden solicitar as axudas autonómicas para a hostalaría e outras actividades que estiveron pechadas
23/02/2020: A programación do 8M aposta polo crecemento persoal e a homenaxe ás mulleres “que sempre están aí”
16/02/2021: Unha desescalada “gradual” e sen présas que arranca este mércores
10/02/2021: Sanidade pide precaución e asegura que “é moi cedo” para falar do levantamento de restricións
Xaneiro de 2021
28/01/2021: Cultura adapta as “Entroidadas” ás novas restricións
27/01/2021: Tres semanas en nivel de restricións máximas
25/01/2021: A Xunta anuncia tres semanas de endurecemento das restricións
23/01/2021: En San Sadurniño teremos Entroido a través das redes sociais
21/01/2021: A comarca segue subindo en positivos
20/01/2021: San Sadurniño solicítalle á Xunta que os SAF municipais sexan incluídos nas vacinacións prioritarias
19/01/2021: San Sadurniño pasa o xoves ao nivel de risco máximo
15/01/2021: Máxima prudencia!
13/01/2021: A Xunta incrementa as restricións en toda Galicia desde a medianoite do xoves ao venres
07/01/2021: O Playas de Benidorm e o Mediterráneo Castellón, baixas na Copa Príncipe por positivos de coronavirus
Decembro de 2020
29/12/2020: A Xunta repite para Fin de ano a estratexia preventiva de Noiteboa e o Nadal
16/12/2020: Un Nadal diferente e con seguimento “especial” por parte das autoridades sanitarias
15/12/2020: A campaña “Neste Nadal, consumo local” convídanos a facer gasto no municipio durante estas datas (e sempre)
09/12/2020: O Concello levará o Apalpador -ou Apalpadora- e os Reis Magos polas parroquias
07/12/2020: A Xunta saca unha nova liña de axudas para a mellora de terrazas desde o 1 de outubro
03/12/2020: Nós seguimos como estamos, pero suavízanse as restricións nalgúns concellos da zona
Novembro de 2020
27/11/2020: A Xunta publica as axudas para microempresas e hostalaría
19/11/2020: San Sadurniño volve ao nivel verde, pero non debemos baixar a garda
17/11/2020: Igualdade promove un 25-N desde a casa
05/11/2020: Estas son as novas medidas restritivas decretadas pola Xunta
03/11/2020: O pleno evidencia os problemas de conectividade do territorio
Outubro de 2020
30/10/2020: Sanidade pecha Fene, Ferrol, Neda e Narón
26/10/2020: Responsabilidade individual, iso é o máis importante
23/10/2020: Un botellón, posible escenario de varios desperfectos na área recreativa dos Currás
22/10/2020: O que podemos e non podemos facer desde hoxe
21/10/2020: Interrómpense as escolas culturais, as sesións de ximnasia de mantemento e outras actividades programadas
15/10/2020: A Xunta prohibe as reunións de máis de 10 persoas que non vivan xuntas, tanto dentro como fóra da casa
07/10/2020: A unidade móbil da ITV Agrícola posiblemente non volva ata comezos de ano
Setembro de 2020
29/09/2020: O volei volve ao pavillón municipal este sábado
23/09/2020: Un concelleiro do grupo de goberno, en corentena por COVID-19
03/09/2020: Todo listo para un comezo de curso seguro na EIM A Rolada
Agosto de 2020
31/08/2020: O Goberno Local ofrécelle colaboración á dirección do CPI para un arranque de curso seguro
26/08/2020: O Concello suspende tamén a xornada “Apostando polo sector primario” e o Chanfaina Lab
18/08/2020: Cultura suspende temporalmente o programa “Á xunta da noite”
17/08/2020: Cales son as novidades da Xunta sobre o control da COVID-19?
11/08/2020: O VII Chanfaina Lab adáptase á nova situación mantendo a súa esencia
10/08/2020: O Concello organiza “Apostando polo sector primario” para o 29 de agosto en substitución da Feira Rural
06/08/2020: As zonas de lecer de San Sadurniño, destinos alternativos para o turismo de proximidade
04/08/2020: O Concello lembra a obriga de cita previa para calquera xestión presencial
Xullo de 2020
28/07/2020: A Xunta actualiza as obrigas e recomendacións preventivas da COVID-19
17/07/2020: Acordádevos: estamos na “nova normalidade”, pero a COVID-19 segue aí
10/07/2020: O domingo imos votar… pero como?
09/07/2020: A asociación de Santa Mariña e ConcienciArte recobran pulso cultural
06/07/2020: O Concello pon en marcha o servizo “Liña Verde” para que a veciñanza comunique incidencias desde o móbil
03/07/2020: Liñas de axuda publicadas no DOG e no BOE nos últimos días
Xuño de 2020
29/06/2020: No verán, todo o mundo en forma!
29/06/2020: Máscaras, procesións, festas, discotecas… ¿que hai de novo no Diario Oficial de Galicia?
25/06/2020: A AGFA e a Casa do Mel recuperan os cursos de fructicultura e apicultura suspendidos pola crise sanitaria
23/06/2020: O Concello ofrece un servizo de canguraxe gratuíto para as familias da Escola Infantil Municipal
18/06/2020: A Concellaría de Cultura levará a todas as parroquias o programa “Á xunta da noite”
17/06/2020: San Sadurniño e outros concellos da volta non abrirán as piscinas este verán
16/06/2020: As empresas demandan mellor conectividade e prezos asequibles para o equipamento de protección
15/06/2020: O Concello reúnese hoxe co tecido produtivo local para falar das medidas anticrise
13/06/2020: Galicia deixa atrás este luns o Estado de Alarma, pero non a obriga de ter moito coidado
12/06/2020: O Concello adapta a Aldea de Verán á “nova normalidade”
12/06/2020: O pleno sorteará este sábado a composición das mesas electorais
10/06/2020: Xuntas de novo, pero gardando as distancias
06/06/2020: Este luns entramos na Fase 3, ¿que cambios trae?
04/06/2020: As entidades, á espera do remate da Fase 3 para ver como retoman a actividade
03/06/2020: Preguntas e respostas sobre o Ingreso Mínimo Vital
02/06/2020: O Concello convoca o Consello de Participación Veciñal para este mércores
Maio de 2020
29/05/2020: Pleno municipal centrado na crise da COVID-19
29/05/2020: O boletín Novas regresa ás casas con información sobre a volta á “normalidade”
24/05/2020: Este luns entramos na Fase 2: ¿que podemos facer?
22/05/2020: Bares e restaurantes poden atender no interior xa desde hoxe, polo menos no noso concello
20/05/2020: O BOE publica a obriga de usar mascarillas a partir deste xoves
19/05/2020: O Concello lembra que as xestións presenciais deben facerse con cita previa
14/05/2020: O Concello pon en marcha o certame “San Sadurniño en flor”
13/05/2020: Múltiples maneiras de homenaxear a Don Ricardo
12/05/2020: O Concello ordena o pagamento de preto de 12.000 euros en bolsas escolares e axudas á conciliación
11/05/2020: Reinicio paseniño da actividade… e sen perder de vista a prevención
09/05/2020: ¿Que poido facer e que non poido facer a partir do luns… e como se vai facer?
07/05/2020: Os dous duendes da Agra agasállannos cunha mensaxe de forza
06/05/2020: Reanúdase a pesca fluvial e, a partir do luns, tamén as queimas agrícolas e o proceso de admisión no CPI
05/05/2020: Desde hoxe pode solicitarse o subsidio excepcional por desemprego
04/05/2020: Os bares empezan a preparar a reapertura con incerteza sobre como aplicar as medidas preventivas
01/05/2020: O Estado deixa sen efecto as restricións da Xunta en canto ao mantemento de hortas para autoconsumo
01/05/2020: Autorízase pasear e facer deporte unha vez ao día entre as 6 da mañá e as 11 da noite
Abril de 2020
30/04/2020: Seguimos en Estado de Alarma e debemos continuar extremando as precaucións
29/04/2020: O Estado aproba unha moratoria nas cotizacións sociais dunha ducia de sectores
28/04/2020: A Xunta alixeira as restricións para atender cultivos e hortas
27/04/2020: “Palabras Maiores”: voces emocionadas e emocionantes sobre estes tempos que toca vivir
24/04/2020: Desde este domingo a rapazada ata 14 anos poderá saír á rúa durante unha hora na compaña dunha persoa adulta
23/04/2020: San Sadurniño tamén quedará este domingo sen Feira da Plantación
20/04/2020: Comunicado do Concello sobre o uso e distribución de máscaras
17/04/2020: Memoria, Espazos das Familias e a EIM A Rolada continúan en contacto malia o confinamento
16/04/2020: O Concello distribúe produtos perecedoiros do comedor escolar entre as familias que máis os precisan
14/04/2020: O Estado dá un mes máis para as declaracións do IVE e do IRPF
13/04/2020: O Concello pídelle á Xunta que estableza un sistema de reparto de mascarillas e luvas
13/04/2020: Recordade: seguimos en Estado de Alarma e non se pode saír da casa
11/04/2020: A corporación analiza a situación actual nun pleno extraordinario
07/04/2020: Os camións tenda e os pequenos ultramarinos, imprescindibles para o rural en tempos de confinamento
06/04/2020: E se teño hipoteca ou estou de alugueiro e non poido pagar?
03/04/2020: Son autónomo, teño unha empresa… ¿que poido facer para capear a crise?
01/04/2020: O 981 490 027, non só para trámites
Marzo de 2020
31/03/2020: Recordemos a que nos enfrontamos
27/03/2020: Confírmase un caso de contaxio por coronavirus en San Sadurniño
26/03/2020: Recomendacións e propostas para outras dúas semanas de confinamento
25/03/2020: Agora máis que nunca, reduzamos, reutilicemos e reciclemos… e non deixemos as bolsas ao pé do colector
24/03/2020: As autoridades sanitarias insisten: hai que permanecer na casa
22/03/2020: A área de Servizos aplica desinfectantes nos espazos máis concorridos
21/03/2020: Traballar as leiras lonxe da casa si, pero con sentidiño e a expensas do que poida dicir o Estado
20/03/2020: San Sadurniño pide maior coordinación de Xunta e Estado para atender as necesidades urxentes dos concellos
18/03/2020: Cine, ximnasia, libros e música para facer máis levadeiro o confinamento
17/03/2020: A Garda Civil intensifica os controis para garantir o cumprimento das medidas de confinamento
13/03/2020: O Concello publica un bando coa entrada en vigor das medidas por mor do coronavirus
12/03/2020: O Concello suspende as actividades culturais e deportivas e pecha temporalmente a escola infantil
12/03/2020: A Xunta suspende as clases en todos os niveis educativos desde este venres