O Diario Oficial de Galicia publicou onte xusto antes da medianoite as modificacións no nivel de restricións en distintos municipios. A San Sadurniño, que segue no nivel medio, non lle afectan. Podemos seguir xuntándonos (con precaución) un máximo de 4 non conviventes, continuar movéndonos por todos os concellos galegos no mesmo nivel ca nós (non podemos ir a Cariño, Mugardos e Miño, entre outros), a hostalaría pode seguir aberta até as 18.00h. -terrazas ao 50% e interior ao 30%- e o toque de queda segue como está, das 22.00h. ás 06.00h., en espera de ver que ocorre de cara á ponte do San Xosé e a Semana Santa, xa que as comunidades acordaron onte no Consello Interterritorial de Saúde manter os peches perimetrais, ademais da posibilidade de retrasar unha hora o toque de recollida e incrementar a 6 os grupos de non conviventes. Porén, de momento é moi cedo para saber como vai ser a cousa e, segundo parece, a Xunta quere ir amodo coa desescalada nun escenario en que as novas variantes do coronavirus e un alivio demasiado acelerado das restricións poden supoñer o detonante dunha cuarta onda da pandemia.
Os cambios publicados onte no DOG en pouco ou nada nos afectan a nós, en San Sadurniño, posto que se refiren á apertura de albergues sen superar o 30% da capacidade dos seus dormitorios colectivos, á recuperación do turismo activo en grupos de 4 persoas e ao reinicio das clases presenciais de canto e instrumentos de vento nos conservatorios.
Estas modificacións entran en vigor este venres, día no que, por certo, a hostalaría xa deberá ter á vista os carteis e os códigos QR co formato oficial da Xunta. As variacións nas restricións hanse revisar a semana que vén e poden consultarse na web coronavirus.sergas.gal. Son as seguintes:
MEDIDAS DE PREVENCIÓN ESPECIFICAS PARA CONCELLOS CON INCIDENCIA ACUMULADA A 14 DÍAS INFERIOR A 250 CASOS POR CADA CEN MIL HABITANTES
ORDE do 10 de marzo de 2021 pola que se modifica a Orde do 25 de febreiro de 2021 pola que se establecen medidas de prevención específicas como consecuencia da evolución da situación epidemiolóxica derivada do COVID-19 na Comunidade Autónoma de Galicia.
https://www.xunta.gal/dog/Publicados/excepcional/2021/20210310/2583/AnuncioC3K1-100321-3_gl.pdf
DECRETO 40/2021, do 10 de marzo, polo que se modifica o Decreto 31/2021, do 25 de febreiro, polo que se adoptan medidas no territorio da Comunidade Autónoma de Galicia para facer fronte á crise sanitaria, na condición de autoridade competente delegada no marco do disposto polo Real decreto 926/2020, do 25 de outubro, polo que se declara o estado de alarma para conter a propagación de infeccións causadas polo SARS-CoV-2.
https://www.xunta.gal/dog/Publicados/excepcional/2021/20210310/2583/AnuncioC3B0-100321-1_gl.pdf
A eficacia das medidas neste decreto comezarán ás 00:00 horas do día 12 de marzo de 2021
LIMITACIÓN DA LIBERDADE DE CIRCULACIÓN DAS PERSOAS EN HORARIO NOCTURNO
Real Decreto 956/2020, de 3 de noviembre, por el que se prorroga el estado de alarma declarado por el Real Decreto 926/2020, de 25 de octubre, por el que se declara el estado de alarma para contener la propagación de infecciones causadas por el SARS-CoV-2.
https://www.boe.es/boe/dias/2020/11/04/pdfs/BOE-A-2020-13494.pdf
Durante o periodo comprendido entre as 22:00 e as 6:00 horas, as persoas unicamente poderán circular polas vías ou espazos de uso público para a realización de, entre outras, as seguintes actividades:
1.Adquisición de medicamentos, produtos sanitarios e outros bens de primeira necesidade.
2.Asistencia a centros, servizos e establecementos sanitarios.
3.Asistencia a centros de atención veterinaria por motivos de urxencia.
4.Cumprimento de obrigas laborais, profesionais, empresariais, institucionais ou legais.
5.Retorno ao lugar de residencia habitual tras realizar algunhas das actividades previstas neste apartado.
6.Asistencia e coidado a maiores, menores, dependentes, persoas con discapacidade ou persoas especialmente vulnerables.
7.Por causa de forza maior ou situación de necesidade.
8.Calquera outra actividade de análoga natureza, debidamente acreditada.
9.Reposición en gasolineiras ou estacións de servizo, cando resulte necesario para a realización das actividades previstas nos parágrafos anteriores.
LIMITACIÓN DA PERMANENCIA DE GRUPOS EN ESPAZOS PÚBLICOS OU PRIVADOS
https://www.xunta.gal/dog/Publicados/excepcional/2021/20210126/2549/AnuncioC3B0-260121-1_gl.pdf
•Limitanse os grupos para o desenvolvemento de calquera actividade ou evento de carácter familiar ou social na vía pública, espazos de uso público ou espazos privados, a un máximo de catro persoas, excepto no caso de persoas conviventes en que non se aplicará esta limitación.
• As excepcións contémplanse no punto 3 do Apartado Segundo do Decreto 31/2021 do xoves 25 de febreiro.
• Non será aplicable esta limitación no caso de actividades laborais, empresariais, profesionais e administrativas, actividades en centros universitarios, educativos, de formación e ocupacionais, sempre que se adopten as medidas previstas nos correspondentes protocolos de funcionamento.
LIMITACIÓN DA ENTRADA E SAÍDA DAS PERSOAS DO ÁMBITO TERRITORIAL DOS CONCELLOS
• Limítase a mobilidade de persoas polos concellos que teñan a mesma situación epidemiolóxica
https://coronavirus.sergas.gal/Contidos/Restricions-Perimetrais
• As excepcións contémplanse no punto 3 do Apartado Segundo do Decreto 31/2021 do xoves 25 de febreiro.
VIDA SOCIAL E COMUNITARIA
• Lugares de culto: 1/3 da súa capacidade máxima permitida.
• Velorios: 10 persoas por túmulo sexan ou non conviventes e 25 en espazos abertos.
• Enterramento ou despedida para a cremación: 25 persoas sexan ou non conviventes.
• Non se poderán realizar actuacións de coros ou agrupacions vocais de canto.
• Actos e runión laborais, institucionais, académicos ou profesioanais: 30% da capacidad autorizada do local. Límite de 75 persoas en locais pechados e 150 persoas en locais ao aire libre.
• Bibliotecas e arquivos, museos, salas de exposición, monumentos e outros equipamentos culturais: 30% da súa capacidade máxima permitida. Actividades culturais: 4 persoas sexan ou non conviventes excluído o monitor ou guía.
• Cines, teatros, auditorios, congresos: 30% da súa capacidade máxima permitida. Límite de 250 persoas en locais pechados e 500 persoas en locais ao aire libre. O público deberá permanecer sentado.
• Actividades turísticas, centros e puntos de información:
Grupos de ata 4 persoas sexan ou non conviventes
Centros de información, casetas e puntos de información: 50% da súa capacidade
ESTABLECEMENTOS DE HOSTALARÍA E RESTAURACIÓN
No interior: Limitación ao 30% da capacidade máxima permitida.
• Non se poderá prestar servizo en barra.
• Nas terrazas ao aire libre: Limitación ao 50% das mesas permitidas.
• A ocupación máxima será de 4 persoas por mesa ou agrupación de mesas, no caso de persoas non conviventes.
• Os clientes poden quitar a máscara exclusivamente no momento do consumo.
• Horario do peche ao público: 18:00 horas.
• Permítese a recollido no local para consumo no domicilio ata as 21:30 horas.
• Permítese a entrega a domicilio ata as 24:00 horas.
HOTEIS E ALOXAMENTOS TURISTICOS
• Zonas comúns dos hoteis, albergues e aloxamentos turísticos: 50% da súa capacidade.
• Albergues turísticos: 30 % da súa capacidade
ESTABLECEMENTOS E LOCAIS COMERCIAIS QUE NON FORMEN PARTE DE CENTROS OU PARQUES COMERCIAIS
• Establecementos retallistas e de actividades de servizos profesionais: Límite do 50% de capacidade, independentemente da súa superficie.
• Peche ás 21:30 horas, salvo que teñan fixado, de acordo coa normativa vixente, un horario inferior ou superior.
ESTABLECEMENTOS QUE TEÑAN A CONDICIÓN DE CENTROS E PARQUES COMERCIAIS, OU QUE FORMEN PARTES DELES E GRANDES SUPERFICIES
• Establecemento retallista e de actividades de servizos profesionais: Límite do 30% da súa capacidade total.
• Peche ás 21:30 horas.
• A capacidade das zonas comúns dos centros e parques comerciais queda limitada ao 30 %.
• No caso de establecementos ou locais distribuídos en varios andares: Límite do 30% de capacidade total en cada un deles.
• Non se permitirá a permanencia de clientes nas zonas comúns, excepto para o tránsito entre os establecementos.
• Zonas infantís, ludotecas ou áreas de descanso deben permanecer pechadas.
MERCADOS AO AIRE LIBRE
• Mercados con menos de 50 postos autorizados: 100% da súa capacidade.
• Mercados con 50-100 postos autorizados: 75% da súa capacidade.
• Mercados con máis de 100 postos autorizados: 50% da súa capacidade.
ACTIVIDADE DEPORTIVA
Non federada:
• Ao aire libre ou en instalacións deportivas cubertas: de forma individual ou en grupos de ata catro persoas, sexan ou non conviventes sen contar o monitor ou guía coa utilización de máscara.
• Instalacións deportivas cubertas: límite 30% da capacidade máxima permitida.
• Vestiarios e zonas de ducha: límite 30% da capacidade máxima permitida.
Federada:
• Axustarase os correspondentes protocolos Fisicovid-Dxtgalego aprobados.
ACADEMIAS, AUTOESCOLAS E CENTROS PRIVADOS DE ENSINO NON REGRADO E CENTROS DE FORMACIÓN
A actividade que se realice nestes centros poderá impartirse dun modo presencial, sempre que non se supere unha capacidade do 50%.
FESTAS, VERBENAS, OUTROS EVENTOS POPULARES E ATRACCIÓNS DE FEIRAS
• Peche das actividades.
CENTROS SOCIAIS, SOCIOCOMUNITARIOS, CLUBES DE XUBILADOS E CENTROS DE NATUREZA ANÁLOGA
• Capacidade máxima permitida: 30%.
• Actividades grupais: máximo de 4 persoas, sexan ou non conviventes, excluído o monitor ou guía.
CENTROS DE INTERPRETACIÓN E VISITANTES, AULAS DA NATUREZA, CASETAS E PUNTOS DE INFORMACIÓN DA REDE GALEGA DE ESPAZOS PROTEXIDOS
• Peche das actividades.
ACTIVIDADE LECTIVA PRESENCIAL PERMITIDA
• Escolas oficiais de idiomas.
• Escolas de arte e superior de deseño.
• Escola Superior de Conservación e Restauración de Bens Culturais.
• Escola Superior de Arte Dramática.
• Conservatorios de música.
• Conservatorios de danza.
• Escolas de música.
• Escolas de danza.
• Centros autorizados de deportes, centros autorizados de fútbol; centros autorizados de fútbol sala
• Centros autorizados de artes plásticas e deseño.
• Centros autorizados de música e centros autorizados de danza, salvo que estean integrados en centros docentes que permanezan abertos e que limiten a súa actividade ao alumnado dos ditos centros docentes.
• Escolas de música privadas e escolas de danza privadas.
ACTIVIDADES NON ESENCIAIS QUE PECHAN TEMPORALMENTE
I. Espectáculos públicos:
I.3. Espectáculos taurinos.
I.4. Espectáculos circenses.
I.5. Espectáculos deportivos
I.6. Espectáculos feirais e de exhibición.
I.7. Espectáculos pirotécnicos.
II. Actividades recreativas:
II.3. Actividades de lecer e entretemento.
II.4. Atraccións recreativas.
II.7. Actividades de restauración.
II.8. Actividades zoolóxicas, botánicas e xeolóxicas.
III. Establecementos abertos ao público:
III.1. Establecementos de espectáculos públicos:
III.1.4. Circos.
III.1.5. Prazas de touros.
III.2.3. Establecementos para atraccións e xogos recreativos:
III.2.3.1. Parques de atraccións e temáticos.
III.2.3.2. Parques acuáticos.
III.2.3.3. Salóns recreativos.
III.2.3.4. Parques multilecer.
III.2.6. Establecementos para actividades zoolóxicas, botánicas e xeolóxicas.
III.2.7. Establecementos de ocio e entretemento.
III.2.7.1. Salas de festas.
III.2.7.2. Discotecas.
III.2.7.3. Pubs.
III.2.7.4. Cafés-espectáculo.
III.2.7.5. Furanchos.
• Serán de aplicación as medidas establecidas para Hostelería e Restauración.
III.2.8. Centros de lecer infantil.
