Medidas de prevención específicas para San Sadurniño e outros municipios da área sanitaria

0

Xa están dispoñibles na web coronavirus.sergas.gal as normas que rexerán desde este venres 26 de febreiro o proceso de desescalada. A continuación citamos a relación de restricións e limitacións que se aplicarán no caso dos territorios cunha incidencia acumulada a 14 días de entre 250 e 500 casos por cada 100.000 habitantes. Nesa situación encóntranse San Sadurniño e o resto dos municipios da Área Sanitaria de Ferrol agás Moeche, que estará neste primeiro momento no nivel máximo de restricións.

MEDIDAS DE PREVENCIÓN ESPECIFICAS PARA CONCELLOS CON INCIDENCIA ACUMULADA A 14 DÍAS ENTRE 250 E 500 CASOS POR CADA CEN MIL HABITANTES. APARTADO B
ORDE do 25 de febreiro de 2021 pola que se establecen medidas de prevención específicas como consecuencia da evolución da situación epidemiolóxica derivada do COVID-19 na Comunidade Autónoma de Galicia.

DECRETO 31/2021, do 25 de febreiro, polo que se adoptan medidas no territorio da Comunidade Autónoma de Galicia para facer fronte á crise sanitaria, na condición de autoridade competente delegada no marco do disposto polo Real decreto 926/2020, do 25 de outubro, polo que se declara o estado de alarma para conter a propagación de infeccións causadas polo SARS-CoV-2.

A eficacia das medidas neste decreto comezarán ás 00:00 horas do día 26 de febreiro

LIMITACIÓN DA LIBERDADE DE CIRCULACIÓN DAS PERSOAS EN HORARIO NOCTURNO
Durante o periodo comprendido entre as 22:00 e as 6:00 horas, as persoas unicamente poderán circular polas vías ou espazos de uso público para a realización de, entre outras, as seguintes actividades:

1. Adquisición de medicamentos, produtos sanitarios e outros bens de primeira necesidade.

2. Asistencia a centros, servizos e establecementos sanitarios.

3. Asistencia a centros de atención veterinaria por motivos de urxencia.

4. Cumprimento de obrigas laborais, profesionais, empresariais, institucionais ou legais.

5. Retorno ao lugar de residencia habitual tras realizar algunhas das actividades previstas neste apartado.

6. Asistencia e coidado a maiores, menores, dependentes, persoas con discapacidade ou persoas especialmente vulnerables.

7. Por causa de forza maior ou situación de necesidade.

8. Calquera outra actividade de análoga natureza, debidamente acreditada.

9. Reposición en gasolineiras ou estacións de servizo, cando resulte necesario para a realización das actividades previstas nos parágrafos anteriores.

LIMITACIÓN DA PERMANENCIA DE GRUPOS EN ESPAZOS PÚBLICOS OU PRIVADOS
• Limitanse os grupos para o desenvolvemento de calquera actividade ou evento de carácter familiar ou social na vía pública, espazos de uso público ou espazos privados, a un máximo de catro persoas, excepto no caso de persoas conviventes en que non se aplicará esta limitación.

• As excepcións contémplanse no punto 3 do Apartado Segundo do Decreto 31/2021 do xoves 25 de febreiro.

• Non será aplicable esta limitación no caso de actividades laborais, empresariais, profesionais e administrativas, actividades en centros universitarios, educativos, de formación e ocupacionais, sempre que se adopten as medidas previstas nos correspondentes protocolos de funcionamento.

LIMITACIÓN DA ENTRADA E SAÍDA DAS PERSOAS DO ÁMBITO TERRITORIAL DOS CONCELLOS
• Limitase a mobilidade de persoas do ámbito territorial conxuntamente delimitado formado polos concellos  da área sanitaria e que teñan a mesma situación epidemiolóxica

https://coronavirus.sergas.gal/Contidos/Restricions-Perimetrais 

• As excepcións das limitacións de mobilidade contémplanse no punto 3 do Apartado Segundo do Decreto 31/2021 do xoves, 25 de febreiro.

VIDA SOCIAL E COMUNITARIA
• Lugares de culto: 1/3 da súa capacidade máxima permitida.

• Velorios: 5 persoas por túmulo agas conviventes e 15 en espazos abertos.

• Enterramento ou despedida para a cremación: 15 persoas non conviventes.

• Non se poderán realizar actuacións de coros ou agrupacions vocais de canto.

• Actos e reunións laborais, institucionais, académicos ou profesioanais: 30% da capacidad autorizada do local. Límite de 30 persoas en locais pechados e 75 persoas en locais ao aire libre.

• Bibliotecas e arquivos, museos, salas de exposición, monumentos e outros equipamentos culturais: 30% da súa capacidade máxima permitida. Actividades culturais: 4 persoas sexan ou non conviventes excluido o monitor ou guía.

• Cines, teatros, auditorios, congresos: 30% da súa capacidade máxima permitida. Límite de 250 persoas en locais pechados e 500 persoas en locais ao aire libre. O público deberá permanecer sentado.

ESTABLECEMENTOS DE HOSTALARÍA E RESTAURACIÓN
• Non está permitido o consumo no interior.

• Nas terrazas ao aire libre:Limitación ao 50% das mesas permitidas.

• A ocupación máxima será de 4 persoas por mesa ou agrupación de mesas, no caso de persoas non conviventes.

• Os clientes poden quitar a máscara exclusivamente no momento do consumo.

• Horario do peche ao público: 18:00 horas.

• Permítese a recollida no local para consumo no domicilio ata as 21:30 horas.

• Permítese a entrega a domicilio ata as 24:00 horas.

HOTEIS E ALOXAMENTOS TURÍSTICOS
• Zonas comúns dos hoteis e aloxamentos turísticos: 50% da súa capacidade.

• Peche temporal dos albergues turísticos

ESTABLECEMENTOS E LOCAIS COMERCIAIS QUE NON FORMEN PARTE DE CENTROS OU PARQUES COMERCIAIS
Establecemento retallistas e de actividades de servizos profesionais: Límite do aforo 50% da súa capacidade. Peche ás 21:30 horas, salvo que teñan fixado, de acordo coa normativa vixente, un horario inferior ou superior.

ESTABLECEMENTOS QUE TEÑAN A CONDICIÓN DE CENTROS E PARQUES COMERCIAIS, OU QUE FORMEN PARTES DELES E GRANDES SUPERFICIES
• Establecemento retallista e de actividades de servizos profesionais:  Límite do aforo 30% de capacidade

• Peche ás 21:30 horas.• A capacidade das zonas comúns dos centros e parques comerciais queda limitada ao 30 %.

• No caso de establecementos ou locais distribuídos en varios andares: Límite do aforo 30% de capacidade total en cada un deles.

• Non se permitirá a permanencia de clientes nas zonas comúns, excepto para o tránsito entre os establecementos.

• Zonas infantís, ludotecas ou áreas de descanso deben permanecer pechadas.

MERCADOS AO AIRE LIBRE
• Límite do aforo: 50 % dos postos habituais ou autorizados.

ACTIVIDADE DEPORTIVA

Non federada:
• Ao aire libre ou en instalacións deportivas cubertas: De forma individual ou en grupos de ata catro persoas sexan ou non conviventes sen contar o monitor ou guía.

• Instalacións deportivas cubertas: Límite 30% da capacidade máxima permitida.

• Vestiarios e zonas de ducha: Límite 30% da capacidade máxima permitida.

Federada:
• Axustarase os correspondentes protocolos Fisicovid-Dxtgalego aprobados

ACADEMIAS, AUTOESCOLAS E CENTROS PRIVADOS DE ENSINO NON REGRADO E CENTROS DE FORMACIÓN
• A actividade que se realice nestes centros poderá impartirse dun modo presencial sempre que non se supere unha capacidade do 50% do máximo permitido.

FESTAS, VERBENAS, OUTROS EVENTOS POPULARES E ATRACCIÓNS DE FEIRAS
• Peche das actividades.

CENTROS SOCIAIS, SOCIOCUMUNITARIOS, CLUBES DE XUBILADOS E CENTROS DE NATUREZA ANÁLOGA

Peche das actividades.

CENTROS DE INTERPRETACIÓN E VISITANTES, AULAS DA NATUREZA, CASETAS E PUNTOS DE INFORMACIÓN DA REDE GALEGA DE ESPAZOS PROTEXIDOS
• Peche das actividades.

ACTIVIDADE LECTIVA PRESENCIAL PERMITIDA
• Escolas oficiais de idiomas.

• Escolas de arte e superior de deseño.

• Escola Superior de Conservación e Restauración de Bens Culturais.

• Escola Superior de Arte Dramática.

• Conservatorios de música.

• Conservatorios de danza.

• Escolas de música.

• Escolas de danza.

• Centros autorizados de deportes, centros autorizados de fútbol; centros autorizados de fútbol sala

• Centros autorizados de artes plásticas e deseño.

• Centros autorizados de música e centros autorizados de danza, salvo que estean integrados en centros docentes que permanezan abertos e que limiten a súa actividade ao alumnado dos ditos centros docentes.

• Escolas de música privadas e escolas de danza privadas.

* As actividades presenciais que impliquen instrumentos de vento e/ou exercicios de canto mantéñense suspendidas.

ACTIVIDADES NON ESENCIAIS QUE PECHAN TEMPORALMENTE

I. Espectáculos públicos:
Espectáculos taurinos.
Espectáculos circenses.
Espectáculos deportivos
Espectáculos feirais e de exhibición.
Espectáculos pirotécnicos.

II. Actividades recreativas:
Actividades de lecer e entretemento.
Atraccións recreativas.
Actividades de restauración.
Actividades zoolóxicas, botánicas e xeolóxicas.

III. Establecementos abertos ao público:
Establecementos de espectáculos públicos: Circos, prazas de touros, casinos, salas de bingo, salóns de xogo, tendas de apostas.

Establecementos para atraccións e xogos recreativos: parques de atraccións e temáticos, parques acuáticos

Establecementos de ocio: salóns recreativos, parques multilecer, establecementos para actividades zoolóxicas, botánicas e xeolóxicas, establecementos de ocio e entretemento, salas de festas, discotecas, pubs, cafés espectáculo, centros de lecer infantil.

Furanchos: serán de aplicación as medidas establecidas para Hostelería e Restauración.

Share.