Durante o curso 2017-2018, o Concello de San Sadurniño vai desenvolver de novo o programa Espazos das familias, dirixido a familias con nenos e nenas de entre 0 e 3 anos. Trátase dunha actividade de apoio á educación que ofrece un contorno de relación e xogo onde os pais e nais poidan afondar no desenvolvemento das crianzas.
O prazo de inscrición estará aberto do 1 a 15 de setembro nas oficinas de Servizos Sociais e Igualdade do Concello.
Unha vez recollidas e analizadas todas as inscricións rexistradas no programa, estudarase a posibilidade e idoneidade dos grupos en xornada de mañá e tarde, tendo en conta a demanda especificada polas familias nas fichas de inscrición.
O comezo do programa “Espazos das familias” será o 4 de outubro, ás 17:00 horas na Casa da Cultura do Concello, co fin de convocar unha reunión informativa e de coordinación con todas as familias inscritas no programa.
Os puntos que se tratarán nesta reunión serán os seguintes:
-
Presentación do contido e calendario do programa
-
Presentación do persoal encargado de executar e coordinar o programa
-
Formación dos grupos de maná e tarde e aprobación do seu horario
-
Análise das temáticas de maior interese por parte das familias
-
Entrega de material e enquisa inicial
INSCRICIÓNS E MÁIS INFORMACIÓN: Nas oficinas de Servizos Sociais e Igualdade do Concello ou a través do teléfono 981490027 ext.1
Ficha de inscrición e autorizacións para “Espazos das familias” (.pdf)
