A Deputación provincial abre un novo prazo de inscrición de persoas candidatas a este itinerario do proxecto EIXO no que se encadra a formación acreditada de nivel 3 baixo o título IFCD0210 DESENVOLVEMENTO DE APLICACIÓNS CON TECNOLOXÍAS WEB.
Trátase dun curso de 510 horas de formación teórica e 80 horas prácticas non laborais en empresas co que se pretende facilitar competencias para o desenvolvemento de compoñentes de software que constitúan aplicacións informáticas útiles de xestión, difusión, comercio e comunicación. O curso impartirase en Arteixo e contará cunha axuda de 2,6€ brutos por hora lectiva e día asistido.
O prazo de envío de solicitudes está aberto ata o próximo venres día 1 de febreiro e deberá tramitarse no Concello. Posteriormente será a Deputación da Coruña quen faga a selección do alumnado. Os requisitos para poder participar son os seguintes:
- Mozas e mozos maiores de 16 anos e menores de 30 desempregadas/os da provincia da Coruña empadroados en concellos de menos de 50.000 habitantes, incluídas as persoas con discapacidade,
- Ademais non han de estar ocupadas nin integradas nos sistemas de educación ou formación
- Inscritas na Oficina de Emprego correspondente
- Rexistradas no ficheiro do Sistema Nacional de Garantía Xove
- En posesión de alomenos unha das seguintes titulacións, certificacións ou acreditacións:
- Calquera outro certificado de profesionalidade de nivel 3
- Certificado de profesionalidade de nivel 2 da mesma familia (Informática e Comunicacións) e área profesional (Desenvolvemento)
- Bacharelato
- Ciclo formativo de Grado Superior, técnico superior
- Cumprir requisitos académicos de acceso ou ter superada a proba de acceso aos ciclos formativos de grado superior
- Ter un ciclo formativo de Grado Medio, técnico
- Técnico especialista (FP2)
- Ter superada a proba da acceso á universidade para maiores de 25 anos
- Dispor doutros estudos declarados equivalentes a efectos académicos con algún dos anteriores ou superiores a estes
- Competencias clave de nivel 3
Para tramitar as solicitudes é necesario contactar co Técnico de Desenvolvemento local no 981 490 027.
